有否想過，
一覺醒來，已然五年過去。家不是家，妻離子散。
敵人步步進逼，亦步亦趨，你要與時間競賽，找出真相，盡力拯救垂死至親。
數天之內，遊走於港九新界，疲於奔命，多次目睹舊友離奇斃命，血光四賤，來不及傷感，因為只要稍一遲疑，下一個可能是你！
「點解？點解啊？我同你無仇無怨，點解要搞到我家破人亡，重要屈我殺人，你究竟係邊個？」
就響個仔過馬路嗰一刻，我望見一架黑色私家車，由工業學院嗰邊以高速衝向個仔度，事出突然，我連大嗌一聲小心都嚟切！
「嘭」一下巨響，見到個仔畀架車撞到成個人彈開，郁都唔郁咁瞓響地，而架黑色私家車完全無停低過咁駛走咗。
「唔好係佢，千祈唔好係佢……」
從衣著上嚟睇，眼前嘅應該係個男人，估計係由高處墜下，近距離望，啲腦漿已經爆頭外露，一時之間，根本分別唔到係邊個，但係……我清楚睇到，扣響件西裝褸上面嘅名牌，Wilson Nam藍……志豪……
──郭健東
作者簡介：
郭健東，新秀網絡小說作家，《消失的五年》是第二部作品。曾被五歲兒子暗串細個無讀書同唔識字，因而發憤圖強，加上基因突變而愛上寫作，以地道廣東話完成《消失的五年》，情節懸疑曲折且本地化，如電影般帶你穿梭每一個熟悉的環境，經歷緊張刺激的另類體驗。
