《Ben Sir 風月小講堂》
「同學仔，介紹你睇本『風月書』，唔係你睇開嗰種鹹嘢咁簡單，係蘊藏中國傳統文化嘅資料『性』參考書！」
Ben Sir 歐陽偉豪博士以搞笑輕鬆嘅漫畫連載，用語文角度解說香港最本土、最貼地、最赤裸嘅風月文化！其實風月都可以好有歷史同文化價值，《風月小講堂》用傳統典故解釋咩叫「風月」，仲會介紹啜核抵死嘅風月片名語法結構、發掘以前嘅人點樣將流行曲、電影名改寫得鹹鹹濕濕又不失風雅。唔怕你唔睇，最怕你心郁郁要翻睇再翻睇！
Ben Sir 無啦啦點解要講「鹹」嘢？點解香港人會叫鹹片叫「風月」片？鹹書、鹹片可能你就睇得多，但係圖文並茂、配上獨特風格嘅漫畫插圖，你睇緊嘅呢本好可能係香港史上嘅第一本以傳統語文角度講解風月嘅書。唔使再怕畀人捉到你睇鹹書，呢本書睇到可以拋書包仲邊有得輸？
《Ben Sir 風月學習卡》
真正本土創作，不惜工本花盡心血，煉成港式「最赤裸」嘅《Ben Sir 風月學習卡》，挑戰社會底線，釋放人對性嘅原始慾望，打破香港傳統性禁忌，大談風月，不忘文化！
性事只能喺檯底下講？今次就要大解放，將性大大方方放上檯面！Ben Sir 歐陽偉豪博士新書《Ben Sir 風月小講堂》用語文角度解說香港最本土、最貼地嘅風月文化！上完堂有乜要做？當然要做課後練習啦！《Ben Sir 風月學習卡》用嚴謹嘅中國語文文法規則，教你組成最抵死啜核嘅風月片名，240張卡分不同種顏色，各有所屬詞性及用法（包括：名詞、動詞、形容詞、副詞等），同埋成班朋友一齊玩，真係好難唔引人入「性」喎！
遊戲簡介
－風月學習卡玩法－
1. 同學要熟讀《風月小講堂》中嘅風月電影名同語文知識，初學者可將「分類卡牌」放在當眼處以作參考。
2. 風月學習堂開始，首先隨機抽八張牌擺出嚟，每個玩家分十張牌。
3. 大家指出當中最（純情／鹹濕）嘅玩家，由佢開始出牌，順時針進行。
4. 每人輪流抽牌，按文法規則，組合手牌（可出1-3張卡）擺放在場地上已有嘅八張牌前後，以組成一個完整夠鹹嘅風月電影名。
5. 如玩家無牌出，等下一回合抽新牌。如成功組成風月電影名，就可以拎走嗰幾張卡，再喺牌堆開一張新牌放喺場地上。
6. 當有人用盡手牌時結束遊戲。
7. 計返邊個拎到嘅卡總數（一張一分）最多，最高分者勝，最低分者為敗。敗者需站於玩家之中，大叫「我無L用，鹹片都學唔掂」，往後遊戲中眾玩家可稱其為「虧佬」，直到下一位敗者出現。
擺牌嘅規則是咁的：
1. 可放牌於桌面牌嘅前後方，同一行的詞語可自由組合；
2. 一行最多放六張牌，最少有三張牌；
3. 一次可出1－3張牌
文法規則：
1. 片名必需要有名詞中的「人物」
2. 及物動詞後必需有人物
（動作要有承受者，後面需要受詞，例如：搞、撩）
3. 不及物動詞後不可有人物
（動作止於行為者，後面不需要受詞，例如：呻吟、起機）
4. 形容詞只可放在人物前
5. 副詞只可放在動詞前
6. 場地只能用於動詞前
7. 電影名請按其詞性擺放
卡牌會分為：
1. 名詞（紅）
2. 動詞（橙）
3. 場地（藍）
4. 形容詞（綠）
5. 副詞（粉紅）
6. 電影名（黃）
四張自由卡要根據詞性出牌（例如紅色自由卡可成為陳小明），同時會有一張「分類卡牌」以供玩家參考。
見你有溫書，如果組成到或句子中包含以下電影名，加你五分！
1. 我很醜可是我很持久
2. 廿二世紀插人兩鑊
3. 大吉大利大波大
4. 七擒七縱七色狼
5. 一夜夫妻百二蚊
6. 飢渴淫娃逐個歎
7. 蜜桃成熟時
8. 做愛也瘋狂
9. 愛撫唔怕做
10. 午夜胸圍
11. 春光爆泄
12. 扑濕瑪莉
13. 數波波
14. 數毛毛
盒內說明卡仲有隱藏玩法！
－隱藏玩法－
隱藏遊戲（一）
1. 將所有牌反轉放喺檯面，如少人玩，可只取1/2或1/3牌量。
2. 每個玩家隨意開一張牌，讀出牌上嘅字，直到桌上嘅牌可以組成鹹片名，就可以郁手砌！
3. 如果有玩家認為該鹹片名唔夠鹹，或者唔符合語文文法，就要放返低。
4. 鹹片名最少要三張牌，不設上限（愈長愈高分）。
5. 玩晒桌上嘅牌，計返邊個拎到嘅卡總數（一張一分），組成到電影名，加五分，最多分嗰個就係贏家。
隱藏遊戲（二）
1. 遊戲開始！每人派十張牌。
2. 輪流每人可出2－5隻。
3. 砌成一個鹹片名就可以出牌，如不成鹹片名再抽一隻，然後到下一位。
4. 鹹片名最少要三張牌，不設上限。
5. 如果有其他玩家認為該鹹片名唔夠鹹，或者唔符合語文規範，就要收返埋。
6. 最快出晒手上牌者為贏！
