內容簡介:

逾66,000粉絲熱推
泥漿和三文治第一本繪本

每對情侶總會非常期待的──第一次旅行!

一對自中學起拍拖的香港小情侶,五年來仍然處於熱戀期!扎著馬尾的女孩泥漿,戴住眼鏡的男孩三文治,不像一般情侶日日post相放閃,反而手繪畫出生活日常,放屁、打機、偷懶、嗌交……令粉絲超有共鳴,忍唔住要share給他/她!

「每對情侶都會對將來充滿幻想,幻想結婚、幻想一齊養寵物、幻想第日有BB、
仲有──幻想一齊去旅行!」

小情侶要去旅行前,究竟有多少阻礙呢?
 父母反對?
 未試過自由行?
 護照都未申請?
 邊個負責plan行程?

解決了去旅行前的障礙,就代表「旅程愉快」?
 行李超重,仲要行樓梯?
 路癡唔識路?
 男朋友永遠唔識影相?
 女朋友總要搶嘢食?

透過旅行中的經歷,才發掘到對方的優點。即使你未曾與伴侶去旅行,去過一兩次,或已拍是固定「旅友」,都會在這裏看到,自己對愛情永遠抱有憧憬時的影子。原來愛情上,大家都是同一個可愛模樣。

因為有你,
才令我的生活變得幸福有趣,
好想一直有你在身邊。
作者介紹:

泥漿,在Instagram擁有逾66,000粉絲的圖文作家,手繪圖文記錄情侶間相處的趣事。

一個典型香港學生,每日返學等放學,開學嗰刻開始期待放暑假,幻想暑假可以瘋狂食、玩、瞓、煲劇,但為咗自己嘅出書夢,打破咗呢個頽廢大計!