-
特價
我唔想你讚我，我淨係想加人工！
$78.00$62.40// 輔仁媒體主編──容樂其推介 // // Facebook小熊群膠會硬膠推薦// 打工仔女唔怕畀人鬧，最怕谷住一肚氣無從發泄，職場上的種種不公、畸形、犯眾憎、欺壓行為，就讓小盛女一一道出！ 辦公室內，讓我們掀起幻想的革命！ 畢業驚無人請？新入職驚畀人恰？辦公室政治搞唔掂？唔使驚，因為以上情況係肯肯定會發生！小盛女將會同你一齊以輕鬆態度面對以上各種難題，道盡所有打工仔心聲！ 啱啱畢業，點先可以喺面試中突圍而出？小盛女教路： 一條單色連身裙，加上普通的西裝褸！ 回答自己有何缺點時請不要太坦白！ 面對創意問題不用淆底，因為答案並不重要，只要冷靜面對，千萬不要突然變啞仔啞女便可！ 請對任何人都保持禮貌，因為你所遇到的每一個人將來都可能會變成你的同事！ -
特價
不正常遊記
$78.00$62.40內容簡介： LLH最新遊記來了！以搞笑抵死畫風畫盡港人去台日韓的旅遊經歷，旅行就是要在異國認識各路好友，有沒試過盡地主之宜的外地朋友親自為你下廠卻明天齊齊腸胃炎？日本人原來會勁好心教你成功夾到大大隻的毛公仔？韓國人酒量究竟有多利害？ 帶着LLH的畫一起遊盡天下吧！ 作者簡介： 作者簡介： 作者 LLH── 80後全職插畫家及手作人，活躍於facebook、instagram及各大手作市集，其抵死、絕核、麻甩畫風極受一眾年輕人追捧，目標是希望宇宙也有他的作品！ 曾接受商台雷霆881「一圈圈」節目及叱咤903「滑鼠商店街」訪問。 Facebook: LLH story Instagram: llh.story/ llh.storyshop -
特價
口耳相傳的香港鬼故事──唸唸‧不忘
$78.00$62.40內容簡介： 鬼故，從來都係口耳相傳。 細個嘅時候，長輩總係不厭其煩，叫我哋啲小朋友千祈唔好做呢樣嗰樣； 讀書嘅時候，校訓未必個個噏得出，校園靈異故事就個個都聽過； 後來大個咗，愈來愈發覺，都市嘅唔同角落，由倒垃圾嘅後樓梯、公廁，以至舊區停車場、工廠大廈，每一個地方，都好似潛藏住一個離奇嘅故事。 大家俗稱「鬼故」。 你好彩，聽返嚟嘅，係人哋親身經歷，而唔係自己經歷。 呢本書，集合咗我聽返嚟，同埋我經歷過嘅事件。 希望你睇完之後，下次到你撞到，都唔洗咁驚青嘛。 課室吊扇、睇樓怪事、鵝頸橋公廁、 亂紋身、二手車、工廈band房、一樓一…… 都市每個角落，都潛藏着一個離奇故事。 33段恐怖經歷， 600,000 網民夜夜無眠爆驚追post。 睇到驚，跳上床， 上咗床，仲心寒。 六個章節，六種方法感受驚嚇 毛骨悚然撞到正經歷──換轉係你，你會點樣反應？ 常常會到的地方──油麻地、樂富、荔枝角、旺角，你去過，有無見過…… 口口口口衰多口──禍從口出，小心啲講嘢。 難以名狀的貼身感受──有時最得人驚嘅係，好近，好近…… 口耳相傳──傳到今時今日，已經係另一層次嘅恐怖。 念念──有無諗過，鬼故都可以咁有感情？ 作者簡介： 離奇家遮 屋邨長大的80後， 聽過很多鬼故事， 讀過很多鬼小說， 有如看我們的高官演說一樣， 感覺…… 有點離地。 然後就這樣， 我在討論區敲起了第一個字。 最可怕的，不是周遭有多荒誕， 最可怕的，是當荒誕成為習慣。 -
特價
真‧幼稚園老師2之誓要去入刀山
$78.00$62.40內容簡介： 夢寐以求的工作環境，就是可以準時放工，回家不用掛着學校的東西，周末可以與家人一起渡過，人工能跟市價，同事關係簡單，上司要求合理。我相信以上是人人的夢想，但為什麼這麼難達到呢？ 幼稚園老師真的不易做，有海量文件等着你，有海量家長電話等着你，你應付完以上的工作，有不同的角落預備等着你，有不同的活動報告等着你……還要應付複雜的人事關係，做多不能，做少不能，不做不能，做什麼也會有被人說的可能！ 真‧幼稚園老師唔易做？VVINNIE誓要去入刀山！分享自己選擇成為幼稚園老師的經歷、解決家長種種問題的方法，同身為幼稚園老師一定有共鳴的大小事！ 精彩內容包括：〈新生適應週的嚎哭 〉、〈為什麼女孩子喜歡一起去洗手間？〉、〈幼兒園vs幼稚園vs幼兒學校〉、〈世上最涷的地方：家長想像中的學校〉、〈教具有咩用？〉、〈理論與實踐永遠都唔同〉、〈當小朋友感到炎熱〉 作者簡介： VVinnie 80後幼稚園老師，係一個媽媽，係人哋老婆，真係好忙好忙，只想係好無聊每日搵野笑吓…… -
特價
Out of Stock
真‧幼稚園老師（獨家簽名本）
$78.00$62.40一份行外人覺得只係陪小朋友玩嘅工，日日只係同小朋友唱吓歌，教吓ABC，玩吓……就準時放工嘅工。一份行內人就知有返工無收工嘅工，日日要教唱兒歌讀兒歌全語文中英文，之後同佢哋玩體能學音樂～仲要教佢哋禮貌、基本禮儀、常規，日日 non-stop 至少3小時嘅 talk show，對住係至少15個人仔，至多可以係30幾……佢哋放咗學，就要改簿、蓋手冊、預備好聽日嘅簿……有時仲要帶興趣班……課外活動……放工返到屋企就係教案反思、教案反思……嫌悶？唔怕～因為仲有 profo～profo～profo～畀你調劑吓～ 無論你能力係點，你總有嘢要帶返去做……無論你幾多嘢未做完有幾急，你通咗幾多日你幾眼瞓……你總要面帶笑容去面對小朋友。因為，你永遠有做唔完嘅工作，因為，你專業。 而呢份工個名，叫做「幼稚園老師」。 作者簡介： VVinnie 80後幼稚園老師，係一個媽媽，係人哋老婆，真係好忙好忙，只想係好無聊每日搵野笑吓…… -
特價
香港柒錄
$78.00$62.40內容簡介： 一本雖然說不出什麼大道理但看完之後非常有親切感的香港歷史書 「吓？香港歷史？好悶啫——」 事實真是如此？ 知不知道，肥仔跌落渠之前，香港早有一位重量級「海底奇兵」？ 仲有老牌遊樂場裏面亦上演過「荒失失奇兵」？ 早年在香港開銀行或者開鑄幣廠，是不是就可以一世無憂？ 平民又可不可參與地皮拍賣對抗地產霸權？ 舊茶樓與消防局、月餅會與街坊、選美會內、馬場以外， 在歷史的縫隙中又有什麼笑料猛料？ 歷任港督咁疊馬，有被暗殺過、被笠綠帽、被毒親， 故事多多的他們如果有個whatsapp group， 又會傾咩嘢「些牙」咩嘢？ 「吓！咁搞笑？」 歷史好悶？睇你點睇啫！ 作者簡介 : 「港識多史」希望以簡單有趣的方式介紹香港本土歷史、文化，為我們留下記憶。 「港識多史」諧音取自香港地道特色食物「港式多士」。香港人喜歡下午茶，亦是眾所周知的「三點三」，普遍市民在茶餐廳點一杯奶茶、吃一件多士，別看小奶茶多士的組合。以前西餐廳價格昂貴，一般平民無法負擔，所以上一代香港人就創立冰室，仿照英式下午茶。奶茶與多士組合象徵了香港東西合壁的地位，造就了「港識多史」。 「港識多史」之所以能夠成軍，全靠最初的一個信念：「愛香港而相信香港的歷史是引人入勝的。」 就是「香港人」三字，將我們連結起來。由當初在各大學Secrets Facebook Page招募夥計，到後來組成港識多史團隊，在職、在學的我們；來自不同學院、學科的我們，都相信一點——只要肯為香港史事寫下去，就會有人願意看。 在二〇一六年十一月，港識多史於Facebook 刊出第一篇故事，一同用文字發掘搜羅有趣而影響深遠的香港小故事，務求在彈指間略過的News Feed中，令大家停駐一分鐘，重新認識我們的香港。在無宣傳經費加上「hea底」的情況下，我們慶幸得到網上讀者們的支持，更先後接受了《香港01》、《蘋果日報》、《明報》和《中大通訊》的訪問。 相信未來我們仍能繼續為大家帶來一篇篇鮮為人知、值得津津樂道的本地歷史小故事。 -
特價
Out of Stock
獨立屠場——亂世評論和犯人雜文
$78.00$62.40內容簡介： 推薦序截錄： 盧斯達知識廣博，觀察敏銳，見解獨特，想像豐富，常在人們對一些社會問題感困擾時，提出切中要害的看法。讀其文，很難相信是時下追求速食文化的年輕人寫作的。本書是盧斯達在本土意識陷於低潮時的沉思，值得細讀。 ——香港資深時事評論員 李怡 給香港人： 這是一本講述失敗的書。寫作的時期大多介乎於2016至2017年，大概就是等於《麥兜故事》裏面的香港，曾經我們興高采烈的申辦亞運——香港一定得，但最後唔得，失敗了，而且連入場的資格都沒有。 有一些年輕的朋友，滿懷理想和鬥志涉足政壇，焦頭爛額回來。有些未試到有多少能耐，就因為政權的自由心證，而慘遭鎩羽而歸。亦有的現在還在如同捕獸器的迷霧中徘徊。我們像吃火雞一樣，第一口的驚喜，會在之後消失，但還是要繼續吃下去。 這本書寫的雖然是很多事情、很多議題，以及一些文化觀察，但它倒頭來是我的心靈圖譜。我不覺得它是一本評論，更多是散文。在這個被人佔領的地方，在自我的囚禁之中，有一些經歷、一些反省、對自己多了一點了解，雖然這本書也不短，但只是整個過程的一點點。 一整代人遭打壓、遭嘲笑、遭擲石、遭孤立、遭欺凌，有些人死了，有些人對自己好，放棄；有些人不甘心，還在支撐。我兩種都不是，我覺得自己是一個人的沮喪，一個人走着下坡，夕陽廿四小時西下，沒有再升起來。 為了不讓自己的力氣完全消失，我寫了這些東西。以「香港屠場」、「玟瑰異境」、「中國他者」、「他邦對照」、「曙光」五部曲，如實記錄自己。 在這場瘟疫之中，希望你有些能讀的東西消磨日子。 作者簡介： 盧斯達，筆名。1990年生，評論作者。存在主義者、歷史人、濫寫者，不想被定義和定型的人。 -
特價
電視台糜爛史 #MeToo
$78.00$62.40內容簡介： 一年零五個月的電視台歲月，如劉姥姥入大觀園，好聽一點，叫「大開眼界」。說穿了，就是被一幕幕荒謬、離譜、匪夷所思的情境大肆衝擊：有男性員工「寓工作於娛樂」，要求女藝人做出大量無中生有的誇張動作與姿勢，只為讓自己大飽眼福；有藝人為求工作機會，對幕後人員投懷送抱；有人護短至極，把公認無能的員工擢升為主管；有人不斷言語性騷擾女同事，卻因總監縱容包庇，得以全身而退…… 本書從幕後創作、文字人的角度，分享在這個行業的所見所聞、光怪陸離。書中故事分別發生於三間本地電視台──不同的地方，相同的瘋狂。 作者簡介： 袁苡晴，中大中文系學士、碩士，著有十多本與中文、應試有關的書籍，是個爆脾氣的文字人。由於喜歡創作，兩年前離開待了六年的教育界，加入電視行業，希望把「思考、創作、寫字」化作職業。現已離開電視台，與拍檔創業，繼續從事創作，並會一直深耕下去，堅信真正的創意與文字是有價值的。 -
特價
內容簡介： 《港語日報》專頁由四個八十後老師：王駿、曾曉華、樂瑋宜、劉韋麟喺2015年八月開設，用港式英語撰文諷刺社會，兩個月吸超過三萬個Likes，這次更下一城，以城中熱話及新聞為主題出書，拎正牌同你同港語，學港語！ 本書並唔會着重「港語解毒」，因為港式英文有佢嘅存在同文化價值。香港嘅歷史背景，華英文字共存過百年。兩者互相孕育出好多本地先有嘅語言特色。 港式英語係褒定貶，唔在於喺個語言本身，而係大家嘅態度。 港式英語唔一定指偏離英美語法詞彙去發音嘅英文，更貼近嘅講法應該係富有香港特色嘅英文。各地文化環境事物都唔同，需要表達嘅自然唔同。我成日攞「功夫」呢個字做例子。係未有李小龍之前，「功夫」叫做Chinese Martial Arts或者係Chinese Boxing；有李小龍之後，「功夫」叫做Kungfu or Gungfu。Kungfu，兩個字，一橫一直，係褒係貶，唔需要我多講。 呢本書主要分兩部分︰「港語」同「英文」。讀者會問，咦？你哋本書叫Kongish，講埋English，算唔算離題？會唔會零分重作？其實，我哋正正想透過呢個編排，話俾大家知港式英文（Hong Kong English）喺學術界的定義係好闊，凡係香港境內用的英文，無論係「方毛」，定「燕方毛」的用法，都包括係HKE光譜之內。香港的中英文交往，如果從1842年起計，已經超過150年了。 難道今時今日，一提及港式英文，我哋仲要停留係long time no see的Chinglish階段？ -
特價
阿公講鬼
$78.00$62.40內容簡介： 邊度最多鬼？ 人心入面最多鬼…… 點解你覺得鬼恐怖？ 因為鬼喺變成鬼之前，都係人…… 一個窮道士，同你講最有血有肉嘅鬼故事。 精彩節錄： 我猛咁咳，咳到差唔多窒息，阿公用手撥開啲嘔吐物，拎起咗一束束頭髮。 「你畀隻女鬼上咗身，你連自己做乜都唔知啦。」 「你亂講，我只係想幫佢咋，我唔想殺咗佢啊！」 「幫？你點幫隻鬼啊？我叫咗你唔好搞咁多嘢，你受唔起㗎！」阿公走過嚟撳住我個頭。 「我想幫佢咋，你放過佢啦，佢好慘㗎…⋯」我突然間情緒崩潰，猛咁喊。 「你頭上面把火畀隻女鬼吹熄咗啊！」聽阿公咁講，唔怪得之前嗰晚，我感覺到有陣寒氣不斷吹我個頭啦。 「人間有法律，地獄有戒條，唔係人人可以幫鬼㗎，近得佢哋多，會吸晒你啲陽氣㗎。」 「企遠啲！」阿公叫我女朋友行開，再雙手壓實我個頭，好大聲咁喝我：「妳好同我出嚟啦！你再咁落去佢會畀妳整死㗎！」 「唔好啊阿公，佢好痛啊，你放過佢啦求吓你。」我都唔知自己講緊乜。 「佢想幫妳啫，妳害死佢嚟自己投胎，妳過唔過意得去啊？」阿公。 「我求吓妳走啦！唔好搞我男朋友啊！」我女朋友企喺房外面大嗌。 呢個時候，我突然間成個人都鬆晒，個感覺就好似搭完飛機打個呵欠，隻耳仔聽嘢清返嗰種感覺。 阿公放開手，又燒咗碗符水畀我飲。「飲完嘔乾淨佢，唔好畀佢有嘢留低，買返嚟啲衫褲，牀鋪枕頭全部燒晒佢。」 飲完符水，我足足嘔咗三次，終於唔係嘔啲深綠色好似異形口水嘅嘔吐物。阿公就同我女朋友拎晒所有有關個女仔啲嘢落樓下，話搵個地方燒咗佢。 「你喺度休息吓，唔好再接近佢。」阿公唔畀我跟埋落去。 全屋剩返我一個，我瞓咗喺張無牀墊嘅牀上面休息。突然間，個Siri又再響起！我拎起部電話一睇，見到…⋯ 「後會有期。」 作者簡介： 藍橘子，著有《同病唔使相憐，有病睇醫生》、《無病你呻乜嘢吟》、《Bad Time Story 港產童話》等，不停寫作，目標是將荒誕奇怪的故事嵌進讀者的腦裡。若你喜歡怪人，其實我很美。 -
特價
Out of Stock
陌樂偈—我每日迫自己搵一位陌生人傾偈（第1-32天）
$78.00$62.40內容簡介： 「陌樂偈」，一場為了考驗自己勇氣而開展的無聊計劃。 90後男生，連續32天，每日迫自己搵一位陌生人傾偈。 膽量不太夠，面皮不太厚，在乎肯不肯開口。 陌生不陌生，距離其實可以拉近。 其實每個人也不平凡，每位陌生人都有自己的故事。 Facebook專頁3個月內吸引7000讀者，《蘋果日報》、《明報》、《香港01》、《壹週刊》等多間媒體爭相報導！ 32段陌樂偈經歷，總有意想不到的故事： 地下鐵的英國領事 沒有希望的有牌小販 不簽大台的香港小姐 高樓大廈外攀爬的浪子 精靈訓練員老伯 特設陌樂偈教室，分享小小心得！ 大家都是陌路人，不妨傾場陌樂偈！ 作者簡介： 梁焯霖 0歲出生，6歲入讀小學，12歲入讀中學，跟其他人一樣，普通人一名。 第一次正式寫作，文筆風格無聊。 曾擔任電影《點五步》剪接；電影、電視、廣告、短片、舞台劇演員。 -
特價
Out of Stock
真‧幼稚園老師2之誓要去入刀山（獨家簽名本）
$78.00$62.40內容簡介： 夢寐以求的工作環境，就是可以準時放工，回家不用掛着學校的東西，周末可以與家人一起渡過，人工能跟市價，同事關係簡單，上司要求合理。我相信以上是人人的夢想，但為什麼這麼難達到呢？ 幼稚園老師真的不易做，有海量文件等着你，有海量家長電話等着你，你應付完以上的工作，有不同的角落預備等着你，有不同的活動報告等着你……還要應付複雜的人事關係，做多不能，做少不能，不做不能，做什麼也會有被人說的可能！ 真‧幼稚園老師唔易做？VVINNIE誓要去入刀山！分享自己選擇成為幼稚園老師的經歷、解決家長種種問題的方法，同身為幼稚園老師一定有共鳴的大小事！ 精彩內容包括：〈新生適應週的嚎哭 〉、〈為什麼女孩子喜歡一起去洗手間？〉、〈幼兒園vs幼稚園vs幼兒學校〉、〈世上最涷的地方：家長想像中的學校〉、〈教具有咩用？〉、〈理論與實踐永遠都唔同〉、〈當小朋友感到炎熱〉 作者簡介： VVinnie 80後幼稚園老師，係一個媽媽，係人哋老婆，真係好忙好忙，只想係好無聊每日搵野笑吓……
