有咩慘得過食屎?
食兩舊屎?錯喇,現實根本無機會畀你食兩舊屎。
答案就係睇一本講屎嘅小說。

POO

 

 

 

 

少少肥寫呢篇故事的時候,不斷都有朋友或者巴打問:「少少肥你搞咩,好玩唔玩玩屎!?」「個故好臭!」「你係咪黐左線呀!?」少少肥都會笑笑口咁應佢:「無錯就係玩屎,最鍾意玩核突野。」事關高登永遠有關屎尿屁嘅Post都零舍高質,屎圖、影到好似成Pat爛屎嘅「黑椒漢堡攝影大賽」、「忍屎潮文」等等一律睇完笑到GapGap聲,所以佢就諗,可唔可以寫一個故事係圍繞住屎嘅呢?少少肥就係憑住呢個信心去開始呢個故事。
或者呢個故事同《自修室‧學界嘅蘭桂坊》有些少唔同,唔係行真摯動人路線,但希望大家睇嘅時候,會將自己好似少少肥咁,化身成為一粒屎……咁嘅角度去睇,或者會有另一番體會。
以下內容節錄自《屎,我係一粒屎》:

 

我,係一粒屎。
「前面爆屎渠呀,你哋快啲走呀!!!」我淨係聽到把聲,但已經見唔到舊屎,相信薯條屎佢已經被吸走咗。
爆屎渠!?!?
喺我回頭打算游返轉頭嘅時候,原來已經返唔到轉頭。一堆屎水大軍已經湧到埋嚟。
BOOM!!!!!爆屎渠爆到猶如山洪爆發一樣。
我隨住水流巴斯光年一飛衝天。
喺半空中嘅我,已經化為一滴屎水,我第一次望到呢個叫做香港嘅地方,有好多高樓大廈,好多車,好多人。
我眼底下嘅事物慢慢由細細粒愈變愈大,無錯,我開始跌緊返落地下,仲要係急速果隻!!!
大鑊!!!如果我喺跌落地下之前都搵唔到個好歸宿,一陣跌咗落地下,我就真係萬劫不復!一個唔覺意畀車車中,隨時變屎餅,永世都無機會投胎!
我對眼開始搜索位於地面嘅人類,但係佢哋全部都係做緊同一個動作,就係走佬。
「嘩爆屎渠呀,快啲走呀。」「好臭呀」「嘩爆屎渠呀」「快啲走呀」「嘩爆屎渠呀」「嘩_爆屎渠呀好臭呀。」「嘩爆屎渠呀」「好臭呀」「快啲走呀」「嘩爆屎渠呀」「嘩爆屎渠呀」「快啲走呀」「好臭呀」
「嘩我成世人都未見過爆屎渠㗎,好_多屎呀,影張相Post上Fb先。」
!?!?!?
呢句說話完全吸引到我,竟然有人咁得閒爆屎渠都影相,我立即將目光放喺呢個傻仔度。
我見到一個中年人,高高瘦瘦,灰色恤衫黑西褲,衫袋仲有塊領巾,睇嚟係一個普普通通嘅阿叔嚟。
個阿叔拎住部手機起勢咁影,郁都唔郁。
呢個時候個個都雞飛狗走,係得佢一個企喺度,係好機會!!
我乘住微風慢慢咁飄過去,靜靜雞咁降落喺佢衫袋入面塊領巾度。
阿叔佢好似感覺到有啲嘢黐咗上佢塊領巾,佢拎起塊領巾,對住我索咗索,突然面都青埋。
「嘩……_……我……奶……屎……呀……好……_……臭……呀!!!」
我一聽到呢句,個感覺就好熟悉,我就唔知點解無名火起!!
就係咁,我就暫時附身咗喺呢個男人身上。

 

想知呢粒屎同個男人有咩愛恨交纏,即刻 Click 入以下相片啦!

Poo Cover 1121

《屎,我係一粒屎》

作者:少少肥

出版社:小明文創

*各大書局及明報網上書店現已有售